فرمان الہی
نماز کے اوقات
کراچی (ٹی وی رپورٹ) وزیراعظم کے معاون خصوصی برائے سیاسی روابط شہباز گل نے کہا ہے کہ وزیراعظم کا بلاول بھٹوکو صاحبہ کہنا زبان پھسلنا تھا، جرمنی اور جاپان کی سرحدیں ملانا بھی زبان پھسلنا تھا، مریم نواز کی والدہ کو کسی نے برا کہا تو اس کی شدید مذمت کرتا ہوں،مریم نواز کی شخصیت پر کبھی بات نہیں کی یہ ضرورکہتا ہوں وہ جھوٹ پکا منہ بنا کر بولتی ہیں،۔
وہ جیوکے پروگرام ”کیپٹل ٹاک“ میں میزبان منیب فاروق سے گفتگو کررہے تھے۔ پروگرام میں ن لیگ کے رہنما ڈاکٹر طارق فضل چوہدری بھی شریک تھے۔
طارق فضل چوہدری نے کہا کہ سیاست میں غلط زبان استعمال کرنے والوں کو کوئی بھی درست نہیں کہہ سکتا، وفاقی وزراء نے جلسوں میں مریم نواز کی ذات پر جو باتیں کیں انہیں دہرایا نہیں جاسکتا، ریحام خان کی کتاب ن لیگ نے نہیں لکھوائی نہ انہیں ایسی باتوں کیلئے اکسایا،پٹرول بارہ روپے مہنگا ہوگیا اس پر بھی بات کی جانی چاہئے۔
وزیراعظم کے معاون خصوصی برائے سیاسی روابط شہباز گل نے کہا کہ سیاست اور صحافت میں کسی کی کردار کشی یا جنس پر رائے دینا درست نہیں ہے، لاہور میں ہیلی کاپٹر سے بینظیر بھٹوشہید ا ور نصرت بھٹو مرحومہ کی جعلی تصاویر پھینکی گئیں، عمران خان کو یہودی ایجنٹ کہا گیا اور ان کی بیگم پر اسی طرح کے الزامات لگائے گئے۔
