فرمان الہی
نماز کے اوقات
لاہور(نمائندہ جنگ)اسپیکر پنجاب اسمبلی چوہدری پرویزالٰہی نے کہا کہ سیاسی عمل کی وجہ سے رابطے سب کے ساتھ ہوتے ہیں، انشاءاللّٰہ اپنی سیاسی ساکھ کو مدنظر رکھتے ہوئے فیصلے مشاورت اور سوچ سمجھ کر ملکی مفاد میں کریں گے۔ پاکستان مسلم لیگ پارلیمنٹ کے اندر اور باہر عوامی خدمت میں اپنا بھرپور کردارادا کر رہی ہے۔
چوہدری پرویزالٰہی سے وفاقی وزیر سیفران صاحبزادہ محبوب سلطان اور ایم این اے صاحبزادہ امیر سلطان نے اسپیکر چیمبر میں ملاقات کی۔ ملاقات میں موجودہ ملکی سیاسی صورتحال سمیت باہمی دلچسپی کے امور پر تبادلہ خیال کیا گیا۔
وفاقی وزیر صاحبزادہ محبوب سلطان اور صاحبزادہ امیر سلطان نے چوہدری شجاعت حسین کی خیریت دریافت کی۔ وفاقی وزیر صاحبزادہ محبوب سلطان نے کہا کہ چوہدری پرویزالٰہی کی وزارت اعلیٰ کا دور صوبے کا سنہری دور تھا۔ اس دور میں عوام خوشحال تھے، یہی وجہ ہے کہ عوام آج بھی ترقی کے اس دور کو اچھے الفاظ میں یاد کرتے ہیں۔
