• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لانگ مارچ آج لاہور پہنچے گا،بلاول کل جلسہ سے خطاب کرینگے

میرا شہر
لاہور
05 مارچ ، 2022
لاہور(سپیشل رپورٹر) پیپلزپارٹی کے چیئرمین بلاول بھٹو کی قیادت میں لانگ مارچ آج لاہور پہنچے گا، لانگ مارچ کے شرکا ملتان روڈ مراکہ کے مقام پر پڑائو کریں گے، بلاول بھٹو لاہور میں آرام کے بعد کل اتوار لانگ مارچ کی قیادت کرتے ہوئے ناصر باغ میں بڑے جلسہ سے خطاب کریں گے۔ لانگ مارچ کے سکیورٹی انتظامات مکمل ہو گئے ہیں ۔ سکیورٹی کے متعلق ڈی آئی جی آپریشنز کی زیر صدارت اجلاس ہوا۔ اجلاس میں پیپلزپارٹی لاہور کے صدر اسلم گل، ملک عثمان، عدنان گورسی، زاہد ذوالفقار، عاطف چودھری سمیت دیگر شریک ہوئے۔سکیورٹی پلان کے مطابق اتوار کو اورنج ٹرین اور میٹرو بس سروس بند رہے گی،لانگ مارچ کی طرف آنے والی سڑکوں میںخاردار تاریں لگائی جائیں گی، لاہور کے صدر اسلم گل نے کہا کہ مراکہ میں ہزاروں شرکا کے لئے رات کھانے، پانی،طہارت خانوں، خیموں اوربجلی کے لئے جنریٹروں سمیت دیگر انتظامات مکمل ہو گئے ہیں، لاہور کو پارٹی جھنڈوں، بینروں اورپارٹی رہنمائوں کی تصویر وں سے سجادیا گیا ہے، آج شام بھاٹی سے ناصر باغ اسلم گل کی قیادت میں الگ مشعل بردار جلوس نکلے گا، کارکن بلاول بھٹو کا استقبال کرنے کے لئے پرجوش ہیں۔
لاہور سے مزید