لاہور(خصوصی رپورٹر)قائد ملت جعفریہ پاکستان علامہ سید ساجد علی نقوی نے کہا ہے کہ ہم روز اول سے اردو زبا ن کو اس کا آئینی و جائز حق دینے کا مطالبہ کرتے چلے آرہے ہیں،سپریم کورٹ کے واضح حکم کے با وجود خلاف ورزی کا کوئی جواز نہیں،سپریم کورٹ کی کارروائی بھی اردو میں ہونی چاہیے۔ اور سپریم کورٹ کے فیصلے بھی قومی زبان اردو میں تحریر کرائے جانے چاہئیں علامہ ساجد نقوی نے کہاکہ سپریم کورٹ کے حکم کے باوجود آئین کے آرٹیکل 251 کے نفاذ سے گریز کیا جاتا رہاہے اور اب بھی یہی تاخیری حربے استعمال ہورہے ہیں جبکہ سپریم کورٹ نے 2015 میں ملک میں اردو زبان کو نافذ کرنے اور دیگر صوبائی وعلاقائی زبانوں کی ترویج واشاعت سے متعلق حکم جاری کیا تھا لیکن وفاقی حکومت اور پنجاب حکومت نے اس پر آج تک عملدرآمد نہیں کیا ۔
فرمان الہی
نماز کے اوقات
