فرمان الہی
نماز کے اوقات
لندن (مرتضیٰ علی شاہ) گلوکار ورث بیگ نے بتایا ہے کہ انھوں نے تحریک انصاف کے ناراض رہنما علیم خاں کی نواز شریف سے ملاقات کرانے میں اہم کردار ادا کیا۔
خیال کیا جاتاہے کہ وارث بیگ نے علیم خان کی پنجاب مسلم لیگ ن کے دو سینئر رہنماؤں کی ملاقات کرائی جس کے بعد علیم خاں لندن گئے جہاں نواز شریف سے ان کی تفصیلی ملاقات ہوئی۔
وارث بیگ نے میڈیا کو بتایا کہ نواز شریف نے بین الاقوامی دبائو کی پروا نہ کرتے ہوئے پاکستان میں ایٹمی دھماکہ کرکے پاکستان کے دفاع کومستحکم کرنے میں کلیدی کردار ادا کیا۔
مسلم لیگ ن فیصل آباد کے رہنما شیخ محمد یوسف بیگ کےساتھ میڈیا سے باتیں کرتے ہوئے انھوں نے کہا کہ نواز شریف 28مئی 1998 کوچاغی لے گئے تھے جہاں انھوں نے ایٹمی دھماکے کے بعد ایک ملی نغمہ گایا تھا۔
انھوں نے کہا کہ اس وقت میں نے حب الوطنی کاجو جذبہ دیکھا اس سے پہلے کبھی نہیں دیکھا تھا۔
انھوں نے کہا کہ اس میں کوئی شک نہیں کہ نواز شریف نےبین الاقوامی دبائو کے باوجود انتہائی جرات کا مظاہرہ کرتے ہوئے اپنی قیادت کی صلاحیتوں کامظاہرہ کیاتھا۔
