سرجنز کو خودکار تربیت دینے والے ’’اسمارٹ دستانے‘‘

11 اپریل ، 2022

سائنس دان مشکل سے مشکل کام کو آسان بنانے کے لیے جدید چیزیں متعارف کروا رہے ہیں۔ اس ضمن میں آسٹریلوی ماہرین نے طبی طالب علموں کے لیے سینسر سے بھرا دستانہ تیار کیا ہے جو ہاتھوں کی حرکات کی رہنمائی کرتا ہے۔ سرجیکل دستانوں میں لگے سینسر پہننے والے کی انگلیوں اور حرکات پر نظر رکھتے ہیں۔ اس کے علاوہ وہ فیڈ بک اور رہنمائی بھی فراہم کرتے ہیں۔

اس دستانے میں انگشتِ شہات، انگوٹھے اور درمیانی انگلی کی پشت پر تاروں سے جڑے سینسر نصب کیے گئے ہیں۔ یہ تار کی صورت میں ہیں جنہیں ’’انرشیئل میژرمنٹ یونٹس‘‘( آئی ایم یو) کہا جاتا ہے۔ اس طرح ایک دستانے میں سینسر یا یونٹ کی تعداد نو کے قریب ہے۔ آسٹریلیا کی ویسٹرن سڈنی یونیورسٹی نے اسے تیار کیا ہے، جس کی آزمائش لیورپول ہسپتال میں کی گئی ہے۔ آئی ایم یو کا ڈیٹا دستانے کی پشت پرلگے ہوئے بہت چھوٹے سرکٹ تک جاتا ہے۔

یہ ڈیٹا بلیوٹوتھ طریقے سے اسمارٹ فون ، ٹیبلٹ، کمپیوٹر یا ڈیٹابیس کلاؤڈ تک جاتا ہے۔ سرجری کے طالب علموں نے سافٹ ویئر کی مدد سے اپنی ہاتھوں کو تربیت سے گزارا اور اس معلومات سے الگورتھم بھی درست انداز میں سیکھنے لگا۔اس ٹیکنالوجی کا پورا ڈیٹا بیس ایک کیٹلاگ کی صورت میں بنتا رہتا ہے جو بعد ازاں سرجنوں کے کام آتا ہے۔ یہ بتاتا ہے کہ جراحی کا درست طریقہ کونسا ہے ،جس سے سرجنز رہنمائی حاصل کرسکتے ہیں۔ دوسری جانب ان دستانوں کو آگمینٹڈ ریئلٹی کے ساتھ بھی استعمال کیا جاسکتا ہے۔

سائنس اینڈ ٹیکنالوجی سے مزید