فرمان الہی
نماز کے اوقات
لاہور( نمائندہ خصوصی )پنجاب کی وزارت اعلیٰ کیلئے تحریک انصاف کے امیدوار مسلم لیگ ق کے رہنماچوہدری پرویزالٰہی نے کہا کہ عمران خان ن لیگ کا ہاضمہ خراب کرکے ہی دم لیں گے،علیم خان اور حمزہ شہباز کی لڑائی سے میرا کوئی تعلق نہیں ، ہم کامیابی کیلئے پر امید ہیں ، میں نے وزیر اعلیٰ پنجاب بن کر بہت سارے کام کرنے ہیں۔ ادھر چوہدری پرویزالٰہی کی زیر صدارت اعلیٰ سطحی مشاورتی اجلاس منعقد ہوا جس میں سابق صوبائی وزرا راجہ بشارت ،میاں اسلم اقبال ،چوہدری ظہیر الدین ، راجہ راشد حفیظ ،سمیع اللہ اوردیگر ارکان اسمبلی بھی شریک ہوئے اور وزیراعلیٰ پنجاب کے انتخاب کے سلسلے میں ارکان سے رابطوں پر بات چیت کی، چوہدری پرویز الٰہی کی جانب سے اتحادی ارکان اسمبلی کو آئندہ کے لائحہ عمل کے حوالے سے ٹاسک دیئے گئے، حکومتی اتحاد نے کہا کہ وزیراعلیٰ کے انتخاب میں کامیاب ہوں گے۔
