• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

باکسر عامر خان کو مسلح افراد نے گن دکھاکر لوٹ لیا

آج کا اخبار
یورپ سے
20 اپریل ، 2022
لندن (سعید نیازی) باکسر عامر خان کو پیر کی شب مشرقی لندن میں مسلح افراد نے گن دکھاکر لوٹ لیا۔ پولیس کے مطابق انہیں سوا نو بجے ہائی روڈ لیٹن طلب کیا گیا، عامر خان کے مطابق دو افراد نے ان کے چہرے کی طرف گن رکھ کر ان کی گھڑی چھین لی۔ اس وقت ان کی اہلیہ فریال بھی ان کے ہمراہ تھیں۔ عامر خان کے مطابق اہم بات یہ ہے کہ ہم محفوظ رہے۔ 2008ء میں اولمپک کے دوران سلور میڈل جیتنے والے عامر خان کو لوٹنے والے افراد کو پولیس نے تلاش کرنا شروع کردیا ہے۔ پولیس کے مطابق واقعہ کے دوران کوئی گولی نہیں چلی اور نہ ہی کوئی شخص زخمی ہوا۔ پولیس اس حوالے سے مختلف پہلوئوں کا جائزہ لے رہی ہے۔ ابھی تک کوئی گرفتاری بھی عمل میں نہیں آئی باکسر عامر خان کی آخری فائٹ رواں برس فروری میں کیل بروک کے ساتھ ہوئی تھی، جس میں انہیں شکست کا سامنا کرنا پڑا تھا۔
یورپ سے سے مزید