• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سپریم کورٹ، موسم گرما میں بھی انصاف کی فراہمی کیلئے کام جاری رکھنے کا فیصلہ

آج کا اخبار
اہم خبریں
13 جون ، 2022
اسلام آباد(صباح نیوز)سپریم کورٹ میں زیر التوا مقدمات میں مسلسل کمی رپورٹ ہو رہی ہے،موسم گرما میں بھی انصاف کی فراہمی کیلئے کام جاری رکھنے کا فیصلہ کیا گیا ہے، گزشتہ چار ماہ کے دوران ایک ہزار 182زیر التوا مقدمات میں کمی آئی ہے۔ اتوار کے روز جاری تفصیلات میں ترجمان سپریم کورٹ نے بتایا کہ گزشتہ ہفتے 183نئے مقدمات کا اندراج ہوا، جبکہ 568مقدمات نمٹائے گئے، گزشتہ چار ماہ کے دوران ایک ہزار 182زیر التوا مقدمات میں کمی آئی ہے، سپریم کورٹ نے موسم گرما کی تعطیلات میں بھی انصاف کی فراہمی کیلئے کام جاری رکھنے کا فیصلہ کیا ہے، ترجمان کا کہنا ہے کہ تعطیلات کے پہلے ہفتے میں 3بینچز پرنسپل سیٹ پر کام کریں گے جبکہ ایک بینچ کراچی رجسٹری کے لیے تشکیل دیا گیا ہے، 13اور 14جون کے لیے 2لارجر بینچ تشکیل دیے گئے ہیں۔ ترجمان کے مطابق رواں سال موسم گرما کی تعطیلات میں اسی روٹین پر عمل کیا جائے گا۔
اہم خبریں سے مزید