لاہور(سپیشل رپورٹر) بجلی کی غیر علانیہ لوڈ شیڈنگ جاری ہے، متعدد علاقوں شادمان، گلبرگ، اندرون شہر، اسلامیہ پارک میںشدید گرمی کے وجہ سے ٹرانسفارمر دھماکے سے پھٹ گئے ۔ بجلی کی سپلائی معطل ہوگئی۔ ٹرانسفارمر دھماکوں سے پھٹ گئے ، لیسکو اہلکاروں نے بجلی کی شکایات بڑھنے کے بعد فون سننے بند کردئیے ہیں ، اہلکار فون بھی نہیں اٹھاتے، ہیلپ لائن پر شکایات درج کرانے کے باوجود متاثرہ صارفین کی بجلی درست نہیں ہو رہی ، سامان کی قلت بھی پیدا ہوگئی ہے، ٹرانسفارمر ز کی مرمت کیلئے لاکھوں روپے مانگے جارہے ہیں، جن علاقوں میں ٹرانسفارمر خراب ہوئے وہاں دو دنوں سے بجلی بند ہے، پانی کی سپلائی بھی بند ہو گئی ہے ، صارفین نے وزیر اعظم سے اپیل ہے کہ وہ شہر میں بجلی کی بندش اور لوڈ شیڈنگ کا فوری نوٹس لیں ۔ لیسکو ترجمان نے کہا کہ شہر میں کسی جگہ بجلی کی سپلائی معطل نہیں ہوئی ، گرمی کی وجہ سے سسٹم پر لوڈ بڑھ گیا ہے، صارفین سے تعاون کی اپیل کی جاتی ہے۔ ٹرانسفارمر کی مرمت بھی جاری ہے ۔