فرمان الہی
نماز کے اوقات
سیہون شریف (خبرایجنسی ) وزیراعلیٰ سندھ مراد علی شاہ نے کہا ہے کہ سب انصاف کے لئے سپریم کورٹ کی طرف دیکھتے ہیں، سپریم کورٹ کو بھی چاہیے اپنے اندر انصاف پیدا کرے، صدر مملکت آئینی ذمہ داری کے پابند ہیں، بارش سیلاب متاثرین کی ہر طرح امداد کریں گے۔
سیہون شریف میں میڈیا سے گفتگو کرتے ہوئے وزیراعلیٰ سندھ نے کہا کہ بارش کے بعد آج ہونے والے نقصانات اور صورتحال کا جائزہ لینے کے لیے دورے پر نکلا ہوں، منچھر جھیل پر آب پاشی کے حکام سے بریفنگ لی ہے اور مقامی افراد سے بھی صورتحال کے متعلق معلوم کیا ہے۔
انہوں نے کہا کہ منچھر کے علاقے میں کچھ کچے گھر گرے ہیں، متاثرین کے لیے راشن کا بھی انتظام کرنا ہے جس کے لیے ہدایت جاری کردی ہیں۔
سپریم کورٹ سے متعلق سوال پر انہوں نے کہا کہ جوڈیشل کونسل میں ججوں کے درمیان جو مسئلہ ہورہا ہے وہ بدقسمتی ہے، سپریم کورٹ کی طرف سب انصاف کے لئے دیکھتے ہیں اور اسے بھی اپنے اندر انصاف پیدا کرنا چاہیے۔
وزیراعلی سندھ نے مزید کہا کہ صدر مملکت آئینی ذمہ داری کے پابند ہیں، یہ سوال نہیں کہ وہ حکومت سے تعاون نہ کریں۔
