ڈیمنشیا میں مبتلا افراد کیلئے پیشہ ورانہ خدمات کی فراہمی کا منصوبہ

راچڈیل(نمائندہ جنگ ) برطانیہ میں ڈیمنشیا کے موذی مرض میں لاحق ہزاروں مریضوں کو گھروں پر پیشہ ورانہ خدمات کی فراہمی کیلئے ہوم اسٹیڈ کی طرف سے رواں سال کے اختتام تک تربیت دینے کا اعلان کیا گیا ہے،مرض میں مبتلا افراد کو خدمات دینے کے خواہشمندوں کو ان 36افراد میں شامل کیا جائے گا جو پہلے ہی کمپنی کی ماہرانہ تربیت حاصل کر چکے ہیں، ہوم اسٹیڈ دیکھ بھال کے پیشہ ور افراد کو سٹی اینڈ گلڈز کی مکمل ڈیمنشیا کی تربیت سے گزرنے کا موقع فراہم کرتا ہے جس کا مطلب یہ ہے کہ علاقے کے بوڑھے لوگ جنہیں ڈیمنشیا کی تشخیص ہوئی ہے وہ گھر میں رہ کر کام جاری رکھ سکتے ہیں، انہیں صحت اور تندرستی کے لیے مکمل دیکھ بھال ملے گی، یہ عزم اس چیز کی پیروی کرتا ہے کہ جون 2022 سے ڈیمنشیا برطانیہ میں موت کی سب سے بڑی وجہ ہے اور لاکھوں لوگ اس مرض کا شکار ہیں، مذکورہ تربیت ڈیمنشیا سے نمٹنے کیلئے جدید تکنیکوں کی تعلیم دیتی ہے کیونکہ دیکھ بھال کرنے والے پیشہ ور افراد بیماری سے وابستہ طرز عمل کی وسیع رینج کو منظم کرنے کے مؤثر طریقے سیکھتے ہیں، اس کاایک اہم نتیجہ یہ ہے کہ دیکھ بھال کرنے والے پیشہ ور افراد فرد کی حیثیت سے اس شخص کا احترام کرنا سیکھتے ہیں اور ایسے افراد کی زندگیوں کا مشاہدہ اور مدد کر سکتے ہیں۔ ہوم اسٹیڈ راچڈیل کے مالک ڈیوڈ بریڈشا نے کہا کہ ہمارے نگہداشت کے پیشہ ور افراد کی بدولت، علاقے کے خاندانوں کو یہ یقین دہانی کرائی گئی ہے کہ ڈیمنشیا کے ساتھ رہنے والا ان کا پیارا فرد،گھر میں محفوظ اور ٹھیک ہے،ڈیمنشیا کی دیکھ بھال کے علاوہ ہوم اسٹیڈ راچڈیل ذاتی نگہداشت کی پیشکش کرتا ہے جیسے ڈریسنگ اور نہانے میں مدد، گھریلو مدد، صحبت کی دیکھ بھال شامل ہے،ہوم اسٹیڈ بیماری کے ساتھ رہنے والے لوگوں کے ساتھ ساتھ ان کی دیکھ بھال کرنے والوں اور خاندانوں کے لیے ماہانہ فلاحی کیفے کی بھی میزبانی کرتا ہے، یہ ان کے لیے ایک محفوظ جگہ فراہم کرتا ہے کہ وہ آرام سے مل جل کر ہم خیال لوگوں کے ساتھ وقت گزاریں، کیفے ملنرو کے بٹر ورتھ ہال میں ہر مہینے کے پہلے منگل کو ہوتا ہے۔