ایران: حکومت مخالف مظاہرے اسکولوں تک پہنچ گئے

ایران میں حکومت مخالف مظاہرے اسکولوں تک پہنچ گئے۔

غیر ملکی خبر رساں ادارے کے مطابق اسکول میں بطور مہمان تقریر کے لیے آنے والے طاقتور نیم فوجی بسیج فورس کے ایک رکن کو طالبات نے تقریر کرنے سے روک دیا۔

میڈیا رپورٹس کے مطابق طالبات کی جانب سے ’گیٹ لاسٹ‘ کے نعرے لگائے گئے۔

ایرانی سپریم لیڈر نے ملک میں جاری مظاہروں کا ذمہ دار اسرائیل اور امریکا کو قرار دے دیا

سپریم لیڈر آیت اللہ علی خامنئی نے مہسا امینی کی ہلاکت پر ملک میں جاری احتجاجی مظاہروں کے پیچھے اسرائیل اور امریکا کو ذمہ دار قرار دیا ہے۔

واضح رہے کہ ایرانی پولیس کی زیر حراست مہسا امینی دل کا دورہ پڑنے سے 16 ستمبر کو انتقال کر گئی تھی، 22 سالہ مہسا امینی کو تہران میں اسکارف نہ پہننے پر حراست میں لیا گیا تھا۔

ایران کے سپریم لیڈر آیت اللّٰہ علی خامنہ ای نے مہسا امینی کی ہلاکت پر ملک میں جاری احتجاجی مظاہروں کا ذمہ دار اسرائیل اور امریکا کو قرار دیا تھا۔

انہوں نے کہا تھا کہ ایران مخالف ایجنٹ پیسے لے کر احتجاجی مظاہرے کر رہے ہیں۔