فرمان الہی
نماز کے اوقات
لندن(این این آئی ) ایمنسٹی انٹرنیشنل نے ایران کے شہر زاہدان میں پاسداران انقلاب اور سیکورٹی فورسز کی جانب سے نمازیوں اور عام شہریوں کیخلاف کریک ڈان کی شدید مذمت کرتے ہوئے کہا ہے کہ ایرانی شہریوں کیخلاف کریک ڈاؤ ن کی تحقیقات کروائی جائیں، ایرانی حکومت نے ثابت کیا وہ اپنا اقتدار بچانے کیلئے کسی بھی حد تک جاسکتی ہے ۔ تنظیم نے بیان میں کہا کہ صوبہ سیستان بلوچستان کے شہر زاہدان میں نماز جمعہ کے بعد ایرانی سیکورٹی فورسز نے بلوچ مظاہرین کیخلاف آپریشن کیا جس میں بچوں سمیت 80 افراد شہید ہوئے ۔مسلح اہلکاروں نے شہریوں پر فائرنگ اور شیلنگ کی جس کے نتیجے میں سیکڑوں افراد زخمی ہوئے۔ایمنسٹی کی سیکرٹری جنرل ایجنس کولامارڈ نے اسے خونریز جمعہ قرار دیتے ہوئے کہا کہ ایران میں لڑکی مھسا امینی کی ہلاکت پر تین ہفتے سے حکومت کے خلاف جاری حالیہ احتجاجی لہر میں یہ خونریز ترین دن تھا، ایرانی حکومت نے انسانی جان کی حرمت کو بری طرح پامال کردیا اور ثابت کیا کہ وہ اپنا اقتدار بچانے کیلئے کسی بھی حد تک جاسکتی ہے۔ انہوں نے اقوام متحدہ پر زور دیا کہ ایران میں ہونے والے سنگین جرائم کی آزادانہ تحقیقات کرائی جائیں اور ملوث افراد کو قرار واقعی سزا دی جائے۔
