میلبرن میں موسم پھر تبدیل، دھوپ نکل آئی

دنیا بھر میں شائقین کرکٹ کی نظریں اس وقت میلبرن کے موسم پر مرکوز ہیں کیونکہ اتوار کو یہاں ٹی ٹوئنٹی ورلڈ کپ کا سب سے بڑا مقابلہ شیڈول ہے۔

کئی دنوں سے میلبرن کے موسم نے شائقین کرکٹ کو مایوسی میں جکڑ رکھا تھا کہ بارش شائد پاک بھارت میچ نہ ہونے دے۔

اطلاعات کے مطابق اب میلبرن میں موسم پھر تبدیل ہوگیا جس کے بعد یہاں  دھوپ نکل آئی۔

رپورٹس کے مطابق میلبرن میں موسم خوشگوار ہے، دھوپ کے ساتھ سرد ہوائیں بھی چل رہی ہیں۔

میڈیا رپورٹس کے مطابق اتوار کو میلبرن میں دن کے وقت درجہ حرارت 20 ڈگری رہنے کا امکان ہے جب کہ رات میں بارش کا 90 فیصد امکان ہے۔ اس دوران 6 ملی میٹر بارش ہوسکتی ہے۔

میلبرن میں بھارت کا پاکستان کے مقابلے میں ریکارڈ اچھا

پاکستان کرکٹ ٹیم نے میلبرن میں اب تک صرف ایک ہی ٹی ٹوئنٹی میچ آسٹریلیا کے خلاف ہی کھیلا ہے جس میں اسے شکست ہوئی۔ ٹی ٹوئنٹی ورلڈ کپ میں پاکستان اور بھارت کے درمیان میچ کل میلبرن میں شیڈول ہے، جہاں دونوں ٹیمیں ماضی میں انٹرنیشنل میچز کھیل بھی چکی ہیں۔

محکمہ موسمیات کے مطابق میلبرن میں کل بارش کے امکانات میں مزید کمی پیدا ہوگئی ہے۔

دوسری جانب میلبرن کرکٹ گراؤنڈ میں بھارتی ٹیم پریکٹس سیشن کے لیے آئی۔ اس موقع پر مداحوں کی بڑی تعداد بھی موجود ہے۔