• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لیڈز میں پاکستان،انڈیا کرکٹ میچ بڑی اسکرین پر دکھایا گیا

آج کا اخبار
یورپ سے
24 اکتوبر ، 2022
لیڈز(افتخار کلوال)’’ہمارا سنٹر‘‘ لیڈز میں پاکستان انڈیا کا کرکٹ میچ بڑی اسکرین پر دیکھا گیا،میچ دیکھنے کے لیے بڑی تعداد میں شائقین جمع ہوئے اور کرکٹ کے اس سنسنی خیز مقابلہ سے خوب محظوظ ہوئے،میچ کے اتار چڑھائو نے شائقین کی پورے میچ میں دلچسپی برقرار رکھی،شائقین کا اس موقع پر روزنامہ جنگ لندن سے گفتگو میں کہنا تھا کہ پاکستان کی ہار سے مایوسی ضروری ہوئی ہے لیکن اچھا مقابلہ دیکھنے کو ملا،انہوں نے کہا ہار جیت کھیل کا حصہ ہے،اگلے میچز کے لیے گرین ٹیم کے لیے نیک خواہشات کا اظہار کرتے ہیں،بڑی اسکرین پر میچ دکھانے کا انتظام سابق لارڈ میئر کونسلر محمد اقبال کی طرف ہمارا سنٹر لیڈز بیسٹن میں کیا گیا تھا،ان کا کہنا تھاکہ وہ دعا گو ہیں کہ پاکستان ورلڈ کپ ٹی 20کا فائنل کھیلے۔ انہوں نے کہا وہ اگلے میچز کے لیے بھی بڑی اسکرین کا انتظام کریں گے،میچ کے دوران کافی،چائے اور بسکٹس سے شائقین کی تواضح کی جاتی رہی۔
یورپ سے سے مزید