صدرِ مملکت کی لکی مروت میں پولیس اہلکاروں پر حملے کی مذمت

صدرِ مملکت ڈاکٹر عارف علوی نے لکی مروت کے علاقے میں پولیس اہلکاروں پر ہونے والے حملے کی مذمت کی ہے۔

ایک بیان میں صدر عارف علوی نے شہید پولیس اہلکاروں کے درجات کی بلندی اور زخمیوں کی صحت یابی کے لیے دعا کی ہے۔

صدرِ مملکت نے حملے میں شہید ہونے والے اہلکاروں کے اہلِ خانہ سے تعزیت کا اظہار بھی کیا ہے۔

لکی مروت: حملے میں شہید 4 اہلکاروں کی نمازِ جنازہ ادا

خیبر پختون خوا کے ضلع لکی مروت میں دہشت گردوں کے حملے میں شہید ہونے والے 4 اہلکاروں کی نمازِ جنازہ پولیس لائن میں ادا کر دی گئی۔

صدر مملکت عارف علوی کا کہنا ہے کہ دہشت گردی کی باقیات کے مکمل خاتمے تک ہماری کوششیں جاری رہیں گی۔

واضح رہے کہ خیبر پختون خوا کے ضلع لکی مروت میں دہشت گردوں کے حملے میں 4 اہلکار شہید اور 4 زخمی ہوئے تھے۔