• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سپریم کورٹ، تمام محکموں میں معذور افراد کی بھرتیاں 4 ماہ میں مکمل کرنیکا حکم

آج کا اخبار
اہم خبریں
29 دسمبر ، 2022
کراچی ( اسٹاف رپورٹر ) سپریم کورٹ نے سندھ کے تمام سرکاری محکموں میں معذور افراد کی بھرتیاں 4 ماہ میں مکمل کرنے کا حکم دیدیا۔ سپریم کورٹ کراچی رجسٹری میں جسٹس جمال خان مندوخیل، جسٹس محمد علی مظہر اور جسٹس سید حسن اظہر رضوی پر مشتمل تین رکنی بینچ کے روربو سندھ حکومت کے مختلف محکموں میں معذور افراد کے کوٹے پرملازمتیں نہ دینے سے متعلق درخواست کی سماعت ہوئی۔ درخواست گزار کے وکیل نے کہا صوبے میں تمام محکموں میں معذور افراد کیلئے ملازمتوں کا کوٹہ مختص کیا گیا۔ کوٹہ مختص ہونے کے باوجود سندھ حکومت معذور افراد کو سرکاری ملازمین نہیں دے رہی۔ سندھ حکومت کو معذور افراد کے کوٹے پر عملدر آمد کرنے کا حکم دیا جائے۔ ایڈیشنل ایڈوکیٹ جنرل سندھ نے کہا جن محکموں میں آسامیاں خالی ہیں ان میں بھرتیاں کی جائیں گی۔ کوٹے پر سندھ حکومت نے کچھ حد تک عملدرآمد کیا ہے۔ کوٹے پر عملدرآمد نہ کرنے پر سندھ حکومت پر عدالت برہم ہوگئی۔ عدالت عظمی نے سندھ حکومت کو تمام محکموں میں 4ماہ میں بھرتیاں مکمل کرنے کا حکم دیدیا۔ عدالت نے ریمارکس دیئے کہ تمام محکموں میں معذور افراد کی بھرتیوں کا عمل دو ہفتوں میں شروع کیا جائے۔
اہم خبریں سے مزید