فرمان الہی
نماز کے اوقات
پاکستان تحریک انصاف (پی ٹی آئی) کے چیئرمین عمران خان کا کہنا ہے کہ ملک کی بدقسمتی ہے ملک پر مسلط کرپٹ ٹولے کے ساتھ الیکشن کمیشن بھی ملا ہوا ہے، الیکشن کمیشن ہمیشہ ان چوروں کی حمایت کرکے جمہوریت کیخلاف فیصلے کرتا ہے۔
اسلام آباد کے عوام کے نام پیغام عمران خان نے کہا کہ بلدیاتی انتخابات کے انعقاد کے عدالتی حکم پر اسلام آباد کے عوام کو مبارکباد پیش کرتا ہوں۔
پی ٹی آئی چیئرمین نے کہا کہ معزز عدالتیں ہمیشہ الیکشن کمیشن کے غیر قانونی فیصلوں کو مسترد کردیتی ہیں، اسلام آباد کے عوام کل بلدیاتی انتخابات میں بھرپور شرکت کریں۔
انہوں نے کہا کہ عدالتی فیصلے سے اسلام آباد کے عوام ووٹ کے ذریعے مقامی حکومت منتخب کر پائیں گے، یہ کرپٹ ٹولہ عوام سے خوفزدہ ہے، ہمیشہ انتخابات سے راہِ فرار اختیار کرتا ہے، چوروں کی کوشش صرف اور صرف ملک پر اپنا قبضہ برقرار رکھنے کی ہے۔
عمران خان نے کہا کہ یہ ہارس ٹریڈنگ اور کرپشن کے پیسے سے ضمیروں کی منڈیاں لگاتے ہیں، اس مافیا کے پاس اب کوئی راستہ نہیں بچا، اسے عوام مسترد کر چکے ہیں۔
پی ٹی آئی چیئرمین نے کہا کہ انشاء اللّٰہ اسلام آباد کے عوام اس کرپٹ ٹولے کو شکست دیں گے۔
