فرمان الہی
نماز کے اوقات
’میرا دل یہ پکارے آجا‘ گانے پر ڈانس کی ویڈیو سے مشہور ہونے والی عائشہ مانو نے حال ہی میں ان کی وائرل ہونے والی نئی ویڈیو کو جعلی قرار دیتے ہوئے اسے شیئر کرنے والوں کیخلاف قانونی کارروائی کا اعلان کردیا۔
فوٹو اینڈ ویڈیو شیئرنگ پلیٹ فارم انسٹا گرام پر عائشہ عرف مانو نے پوسٹ شیئر کرتے ہوئے حالیہ وائرل ویڈیو کو جعلی قرار دے دیا۔
انہوں نے سوشل میڈیا پر ان کی جعلی ویڈیو وائرل کرنے والوں کے خلاف قانونی کارروائی کرنے کا اعلان کرتے ہوئے اسے ویوز حاصل کرنے کا طریقہ قرار دے دیا۔
انسٹاگرام پر جاری ایک بیان میں عائشہ نے کہا کہ وہ لوگ جو جعلی ویوز حاصل کرنے کے لئے ان کی ویڈیوز ایٹ کر رہے ہیں، ان سب کو ایف آئی اے سائبر کرائم کو رپورٹ کیا جائے گا۔
انہوں نے خبردار کیا کہ ان کی مینجمنٹ ٹیم ایڈٹ شدہ ویڈیوز چلانے والوں کے خلاف قانونی کارروائی کر رہی ہے۔
انہوں نے مزید کہا کہ تم لوگ مجھے بدنام کرنا چاہتے ہو لیکن میں وہی رہوں گی جو میں ہوں ، تم لوگوں کی جعلی ویڈیوز سے فرق نہیں پڑتا۔
