• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی ڈی ایم میں پھوٹ پڑچکی، ایم کیو ایم انکے ساتھ نہیں، پرویز الٰہی

آج کا اخبار
اہم خبریں
16 جنوری ، 2023
لاہور(نمائندہ خصوصی) وزیر اعلیٰ پنجاب چودھری پرویزالٰہی نے کہا ہے کہ صدر علوی اعتماد کے ووٹ کا کہیں گے توشہبازشریف کو جان کے لالے پڑ جائیں گے،عمران خان نے شہبازشریف کا بندوبست کردیا ۔ شہبازشریف کواعتماد کاووٹ نہیں ملنا۔ پی ڈی ایم میں پھوٹ پڑ چکی ہے،ایم کیو ایم انکے ساتھ نہیں،رانا ثناء اللہ لوگوں کو گمراہ کرتا رہاکہ غیبی مدد آرہی ہے۔ رانا ثناء اللہ اب جھوٹوں کی ٹیم لیکرنواز شریف کے پاس گیا ہے،نوازشریف نے اس کی کلاس لینی ہے۔ تفصیلات کے مطابق وزیراعلیٰ پنجاب چودھری پرویز الٰہی نے لاہور میں ملک کی پہلی خاتم النبینؐ یونیورسٹی کا افتتاح کیااورجامع مسجد خاتم النبینؐ کا سنگ بنیاد رکھا۔ اس موقع پر میڈیا سے گفتگو کرتے ہوئے انہوں نےکہا کہ شہبازشریف الیکشن کے بعد منہ چھپاتا پھرے گا۔اسحاق ڈار کہتا تھا،میں ڈالر لاؤں گا،لیکن یہ ڈالر باہر لے گئے۔(ن) لیگ ہر آنے والے لمحے کمزور سے کمزور ہورہی ہے۔انہوں نے کہا کہ گندم نکال کر مارکیٹ میں لانے سے آٹے کی قیمت تیزی سے نیچے آرہی ہے۔حافظ عمار یاسر،راسخ الٰہی،مولانا حنیف جالندھری،صاحبزادہ حامد رضا،مولانا عبدالخبیر آزاد،مفتی محمد رمضان سیالوی،ہمیش خان، آصف بلال لودھی،عامر جان، راؤ پرویزاختر، میاں ابرار اورمتعلقہ حکام اس موقع پر موجود تھے۔
اہم خبریں سے مزید