• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خصوصی افراد کیلئے مختص کوٹے پر فوری عملدر آمد کیا جائے، سپریم کورٹ

آج کا اخبار
اہم خبریں
22 جنوری ، 2023
اسلام آباد(این این آئی)سپریم کورٹ آف پاکستان نے تمام سرکاری اداروں میں خصوصی افراد کے لیے مختص کوٹے پر فوری عملدرآمد کا حکم دے دیا۔عدالت عظمی کے جسٹس منصور علی شاہ نے خصوصی افراد کیلئے مختص کوٹے کے کیس کا تفصیلی فیصلہ جاری کردیا جس میں عدالت نے خصوصی کوٹے پر عملدرآمد کا حکم نامہ تمام سرکاری اداروں کو ارسال کرنے اور اس پر عمل کرنے کا حکم دیدیا۔اپنے حکم میں سپریم کورٹ نے کہاکہ خصوصی افراد کو سرکاری اداروں میں ملازمت دینا صدقہ خیرات نہیں بلکہ ان کا آئینی حق ہے، پاکستان میں خصوصی افراد کی تعداد 33لاکھ سے2کروڑ تک ہے، اس حقیقت کو نظرانداز نہیں کیا جاسکتا۔عدالت نے نیب کو خصوصی افراد کیلئے3فی صد کوٹے پرفوری تقرری کا حکم دیتے ہوئے کہا کہ تمام سرکاری اور نجی ادارے خصوصی افراد کے لیے احساس پیدا کریں، خصوصی افراد کے تمام قانونی اور آئینی حقوق کا مکمل خیال رکھا جائے، معاشرے کی ترقی میں خصوصی افراد کا بھی اتنا ہی کردار ہے جتنا عام آدمی کا۔
اہم خبریں سے مزید