فرمان الہی
نماز کے اوقات
دنیا کے سب سے بڑے کیڑے مار گروپ نے چوہوں کو مارنے کیلئے چہرہ شناخت کرنے والا سافٹ ویئر استعمال کرنے کا فیصلہ کیا ہے۔
کئی گھروں میں اس کے تجربات جاری ہیں، یہ سافٹ ویئر ’رینٹوکل‘ نامی گروپ نے 18 مہینے پہلے ووڈافون کے ساتھ مل کر بنایا تھا۔
سافٹ ویئر میں چوہوں کی عادات کا مشاہدہ کرنے کے بعد فیصلہ کیا جاتا ہے کہ انہیں کس طرح مارا جائے۔
رینٹوکل گروپ کا کہنا ہے کہ دنیا میں ایک ہزار سال کے دوران ہونے والی جنگوں میں اتنے انسان نہیں مرے جتنے چوہوں کی وجہ سے مرے ہیں۔
کمپنی کے سی ای او اینڈی رینسم نے فنانشل ٹائمز کو بتایا کہ چہرے شناخت کرنے والی ٹیکنالوجی کے ذریعے آپ دیکھ سکیں گے کہ چوہے کھانا کہاں سے کھا رہے ہیں، سونے کہاں جا رہے ہیں، کون سے چوہے نقصان پہنچا رہے ہیں، عمارت کی کس جگہ سے نکل کر آرہے ہیں اور بعد میں کہاں جا رہے ہیں اور کیا وہی چوہا دوبارہ آگیا ہے جس نے پچھلے ہفتے بھی واردات کی تھی۔
یہ ٹیکنالوجی بنانے کیلئے رینٹوکل نے لیبارٹری میں کیمروں کے ذریعے چوہوں کا مشاہدہ کیا اور ان کے برتاؤ کو اپنے مصنوعی ذہانت سسٹم میں منتقل کیا۔
اب کمپنی تجربے کے طور پر صارفین کے گھروں میں ٹیکنالوجی کی آزمائش کر رہی ہے۔
