مقبول بٹ کی برسی پر بھارتی ہائی کمیشن کے باہر مظاہرہ ہوگا، جے کے ایل ایف

لوٹن (شہزاد علی) جموں کشمیر لبریشن فرنٹ کے مرکزی سفارتی شعبہ کے سربراہ پروفیسر راجہ ظفر خان، صدر لوٹن برانچ راجہ ظفر جونیئر، مرکزی چیف آرگنائزر صابر گل، زونل سینئر نائب صدر یوسف چوہدری، ممبر ورکنگ کمیٹی اعجاز ملک اور دیگر قائدین نے اجلاس میں کیا اورکہا کہ 11فروری کو بابائے قوم شہید کشمیر محمد مقبول بٹ کی برسی کے پروگرامز جہاں دنیا بھر میں منعقد ہو رہے ہیں اسی طرح برطانیہ زون کی جانب سے انڈین ہائی کمیشن لندن کے باہر بھرپور مظاہرہ ہو گا۔ جہاں مقبول بٹ کے جسد خاکی کی کشمیری قوم کو حوالگی کا مطالبہ کیا جائے گا،رہنماؤں نے کہا کہ مقبول بٹ کا قصور یہ تھا کہ وہ جہالت، لالچ، استحصال، غلامی، اقربا پروری اور منافقت کی قوتوں کے خلاف بغاوت کے مرتکب ہوئے ، محمد مقبول بٹ کے مشن یعنی ریاست جموں کشمیر کی وحدت کی بحالی اور مکمل آزادی تک جہدوجہد اور قربانیاں جاری رکھیں گے۔ اجلاس کی صدارت برانچ کے صدر ظفر جونیئر اور نظامت کے فرائض جنرل سیکرٹری رشید عباس بٹ نے انجام دیئے جس میں ممبر ورکنگ کمیٹی قاری عجائب، سردار شکیل، تصدق ملک، حمید خان، تنویر خان، رفاقت علی خان نے شرکت کی۔ اجلاس کے آخر میں تنظیم کے سینئر رہنما ظفر جونیئر، یوسف چشتی کے والد، پروفیسر ظفر خان کے تایا لبریشن فرنٹ کے سینئر رہنما کونسلر مشتاق ملک کی ہمشیرہ، ماجد خان کے داماد، افضال ماجد کے بہنوئی، چو ہدری رفیق کے پھوپھا کی وفات پرایصال ثواب کیلئے دعائے مغفرت کی گئی۔