سندھ حکومت نے سرکاری ملازمت کیلئے عمر کی حد بڑھا دی

کراچی(ٹی وی رپورٹ)سندھ حکومت نے سرکاری ملازمت کیلئے عمر کی حد میں رعایت دے دی۔ سندھ حکومت کی جانب سے جاری نوٹیفکیشن کے مطابق سرکاری ملازمت کیلئے عمر کی حد میں 15 سال کی رعایت دی گئی ہے جو یکم جولائی 2022 سے 30 جون 2024 تک کی اسامیوں کیلئے ہے۔ نوٹیفکیشن کےمطابق عمر کی حد میں رعایت پبلک سروس کمیشن کی پوسٹوں اور پولیس کیلئے نہیں دی گئی ہے۔ ذرائع کا کہنا ہےکہ سرکاری محکموں میں بھرتی کیلئے عمرکی حد 18 سے 28 سال کےدرمیان ہوتی ہے۔