گرفتاریوں سے ہم دب جائیں گے تو یہ غلط فہمی ہے، اسد قیصر

سابق اسپیکر قومی اسمبلی اور پاکستان تحریک انصاف کے مرکزی رہنما اسد قیصر نے کہا ہے کہ اگر کوئی سمجھتا ہے کہ گرفتاریوں سے ہم دب جائیں گے تو یہ غلط فہمی ہے۔

فواد چوہدری کو پمز اسپتال کے ڈاکٹروں نے تندرست قرار دیدیا

پاکستان تحریک انصاف (پی ٹی آئی) کے مرکزی رہنما فواد چوہدری کا پاکستان انسٹی ٹیوٹ آف میڈیکل سائنسز (پمز) اسلام آباد میں طبی معائنہ مکمل ہوگیا۔

فواد چوہدری کی گرفتاری پر ردعمل دیتے ہوئے اسد قیصر نے کہا کہ پارٹی چیئرمین عمران خان کو گرفتار کرنے کی کوشش کی گئی تو تحریک انصاف کے کارکن ہر جگہ نکلیں گے۔

انہوں نے کہا کہ اس وقت تحریک انصاف کے کارکنوں کا امتحان ہے، کارکنوں نے ہر ضلع اور تحصیل میں نکل کر احتجاج کرنا ہے، ملک جن معاشی حالات سے گزر رہا ہے، اس قسم کے اقدامات سے مزید حالات خراب ہوں گے۔

ان کا کہنا تھا کہ حالات خراب کرنے کی ذمے داری وفاقی حکومت اور نگراں صوبائی حکومت پر عائد ہوگی۔