ترکیہ اور شام میں زلزلے سے جاں بحق افراد کی تعداد 16 ہزار سے تجاوز

ترکیہ اور شام میں پیر کو آنے والے شدید زلزلے سے اموات کی تعداد مسلسل بڑھ رہی ہے۔

غیرملکی میڈیا کے مطابق زلزلے کے باعث جاں بحق افراد کی تعداد 16 ہزار سے بڑھ گئی ہے۔

حکام کا بتانا ہے کہ ترکیے میں 12 ہزار 873 اور شام میں 3 ہزار 162 افراد جاں بحق ہوچکے ہیں۔

غیرملکی میڈیا کے مطابق شدید سرد موسم کے باعث امدادی کارکنوں کو زمین بوس عمارتوں کے ملبے تلے دبے افراد کو نکالنے میں شدید دشواری کا بھی سامنا ہے۔

افغانستان کا ترکیہ، شام میں زلزلہ متاثرین کیلئے ایک لاکھ 65 ہزار ڈالر امداد کا اعلان

افغان وزارت خارجہ نے بالترتیب 1 ایک کروڑ اور 50 لاکھ افغانی کے امدادی پیکیج کا ترکیہ اور شام کیلئے اعلان کیا ہے۔

رپورٹس کے مطابق ترکیہ کے صدر رجب طیب اردوان نے زلزلے سے متاثرہ علاقوں کا دورہ بھی کیا ہے۔

انہوں نے متاثرین سے ملاقات کی اور عزم ظاہر کیا کہ کسی بھی شخص کو بے گھر نہیں رہنے دیں گے، متاثرہ خاندانوں کی فوری مالی امداد کی جائے گی۔