اپنی فلم میں لاہور کی خوبصورتی اجاگر کرنا بنیادی مقصد تھا، جمائما

لندن (مرتضیٰ علی شاہ) فلمسازواسکرین رائٹر جمائما خان نے انکشاف کیا ہے کہ وہ ایک اچھی میچ میکر بھی ہیں اور حال ہی میں ایک پاکستانی جوڑے کا رشتہ کرایا ہے۔ جمائما لندن کے لیسٹر اسکوائر پر اوڈین لکس سنیما میں "وہاٹس لو گوڈ ٹو ڈو ود اٹ" کے یوکے پریمیئرکے موقع پرجیو نیوز سے خصوصی گفتگو کر رہی تھیں۔ ریڈ کارپیٹ تقریب میں درجنوں مشہور شخصیات بشمول فلم کی پوری کاسٹ نے شرکت کی، جن میں سجل علی بھی شامل تھیں، جو خاص طور پر اس تقریب کے لئے پاکستان سے آئی تھیں۔ جمائما نے انکشاف کیا کہ وہ شادی (ارینجڈ میرجز)کے لئے رشتے ڈھونڈنے میں ماہر ہیں اور میں نے ایک نیا رشتہ کرایا ہے۔ سکرین رائٹر نے بتایا کہ یہ دونوں پاکستانی دوست ہیں، جنہیں وہ حال ہی میں اکٹھا کر کے لائی ہیں۔ اس وقت ان کی شادی نہیں ہے لیکن یہ رشتہ شادی پر ختم ہونے والا ہے۔ یہ پوچھے جانے پر کہ کیا وہ خود کو پاکستانی طرز کا آفیشل میچ (رشتہ) بنانے والی سمجھتی ہیں، جمائما نے کہا کہ ہاں میں اب مو دی میچ میکر ہوں۔ جمائما کی ہدایت کارہ کی حیثیت سے پہلی فلم، جس کی وہ پروڈیوسر بھی ہیں، اس میں سابق وزیراعظم عمران خان کے ساتھ ان کی شادی کے دوران پاکستان میں گزارے اپنے وقت (خاص طور پر زمان پارک، لاہور میں) پر روشنی ڈالی ہے۔ انہوں نے اپنے حالیہ انٹرویوز میں طے شدہ شادیوں کے بارے میں کھل کر بات کی ہے۔ انہوں نے جیو نیوز کو بتایا کہ ارینج میرجز اس زمانے اور دن میں متعلقہ ہیں اور یہ کہ ارینجڈ میرج اس وقت تک اچھی ہوتی ہیں، جب تک محبت اور افہام و تفہیم شامل ہو۔ انہوں نے کہا کہ میرے خیال میں اگر یہ باہمی رضامندی پر مبنی ہے اور یہ ان لوگوں کے بارے میں ہے، جو آپ کو سب سے بہتر جانتے ہیں اور آپ سے سب سے زیادہ پیار کرتے ہیں، آپ کے لئے صحیح شخص کا انتخاب کرتے ہیں تو میرے خیال میں جدید دنیا میں بھی اس کے لئے ایک جگہ ہے۔ فلمساز کا کہنا تھا کہ یہ ان کے لئے خاص نکتہ تھا کہ (لاہور) جہاں انہوں نے خان سے شادی کے بعد اپنی زندگی کے تقریباً 10 سال گزارے، فلم میں کیسے پیش کیا جائے۔ میرے لئے لاہور کو اس طرح دکھانا بہت ضروری تھا، یہاں تک کہ فن تعمیر جیسی چیزیں، میں واقعی اس فلم کے بارے میں پریشان تھی، جو ہم نے لاہور میں فلم بند کی تھی۔ بالکل صحیح عکاسی کرنا جو کہ سب سے خوبصورت لاہور کی تصویر کشی کرتی ہے، جسے میں جانتی تھی۔ انہوں نے کہا کہ ان کی فلم پر ردعمل اور تاثرات واقعی دل کو گرما دینے والے اور حیرت انگیز ہیں۔ میں اس کے لئے شکر گزار ہوں۔ میرے لئے سب سے اہم بات یہ کہ میں سمجھتی ہوں کہ میرے بچوں اور میرے براہ راست خاندان سے باہر، اس فلم پر برطانوی ایشیائی اور میرے پاکستانی دوستوں کا ردعمل بہت اچھا رہا ہے اور اچھے ردعمل نے مجھے واقعی متاثر کیا ہے۔ انہوں نے مزید کہا کہ اس کا بہت صاف مطلب ہے۔ ایک حالیہ انٹرویو میں سکرین رائٹر نے کہا کہ اسے شادی کے لئے موزوں امیدواروں سے متعارف کرائے جانے سے فائدہ ہوا ہوگا اور یہ کہ شہزادی ڈیانا کی چارلس سے شادی بنیادی طور پر طے شدہ تھی۔ فلم ایک فلمساز ، جس کا کردار اداکارہ للی جیمز نے ادا کیا ہے، پر مرکوز ہے، جب وہ اپنے پڑوسی اور بچپن کے دوست کاظم (شہزاد لطیف) کے ساتھ پاکستان میں جدید ڈیٹنگ کی دنیا میں گھوم رہی ہے، جب وہ ایک دلہن (سجل علی) کے ساتھ طے شدہ شادی کی کوشش کرتی ہے۔ گزشتہ ماہ ایک خصوصی انٹرویو میں جمائما نے اس رپورٹر کو بتایا کہ وہاٹس لو گوڈ ٹو ڈو ود اٹ ؟ کیا ہے۔ دراصل یہ ان کا پاکستان کے لئے محبت کا خط ہے، وہ ملک جہاں وہ دس سال تک رہیں اور بڑی ہوئیں اور مضبوط روابط برقرار رکھے۔ سکرپٹ رائٹر نے کہا کہ انہوں نے اپنے لئے ایک چیلنج رکھا تھا کہ وہ ایک ایسی فلم لکھیں گی، جس میں پاکستان کا جشن منایا جائے۔ انہوں نے کہا کہ میں وہ رنگین، خوبصورت، خوش کن جگہ دکھانا چاہتی تھی، جسے میں اس وقت جانتی تھی، جب میں پاکستان میں تھی اور پاکستان کے برعکس ہم اکثر مغربی سکرینوں پر دیکھتے ہیں۔ آپ میں سے اکثر جانتے ہوں گے کہ زیرو ڈارک تھرٹی اور ہوم لینڈ جیسی فلموں میں مسلمانوں اور پاکستانیوں کو بدمعاشوں کے طور پر دکھایا گیا ہے اور پاکستان کو واقعی ایک خوفناک، تاریک جگہ کے طور پر دیکھا جاتا ہے اور یوں مجھے پاکستان کا رومانٹک کامیڈی ورژن بنانے کا موقع ملا، جس میں ورکنگ ٹائٹل فلم ہے، جس نے روم ڈاٹ کامٍ کی سرمایہ کاری کی، کاسٹ میں سجل علی شامل ہیں، جو ایک خوبصورت پاکستانی اداکارہ ہیں۔ اس کے علاوہ ہندوستان کی بہت باصلاحیت شبانہ اعظمی جو کہ ایک بہترین اداکارہ ہیں۔ دیوی اور للی جیمز جو شاندار ہے اور ایما تھامسن، شہزاد لطیف اور دیگرنے اپنی اداکاری کے جوہر دکھائے۔ جمائما اپنی فلم کے پریمیئر کے لئے جلد ہی پاکستان کا دورہ کرنے کا ارادہ رکھتی ہیں۔