کورنگی میں خاتون سے غیر اخلاقی حرکت کرنے والا ملزم گرفتار

کراچی کے علاقے کورنگی میں راہ چلتی خاتون سے غیر اخلاقی حرکت کرنے والے موٹر سائیکل سوار ملزم کو گرفتار کرلیا گیا۔

ایس ایس پی کورنگی ساجد امیر سدوزئی کا بتانا ہے کہ گزشتہ روز کورنگی نمبر ڈھائی میں گلی سے گزرتی خاتون کے ساتھ موٹر سائیکل سوار ملزم نے غیر اخلاقی حرکت کی اور ہراساں کیا۔

واقعے کی ویڈیو سوشل میڈیا پر وائرل ہوئی تھی۔

پولیس نے خاتون کے ساتھ غیر اخلاقی حرکت کرنے والے ملزم کو 24 گھنٹوں کے اندر گرفتار کرلیا۔

گرفتار ملزم کی شناخت جاوید کے نام سے ہوئی ہے۔ ملزم کورنگی بنگالی کیمپ کا رہائشی ہے، گرفتار ملزم کے خلاف مقدمہ درج کرکے تفتیشی حکام کے سپرد کردیا گیا۔