فرمان الہی
نماز کے اوقات
اسلام آباد (نمائندہ جنگ) IMF کی ایک اور شرط پوری، بجلی پر 3.23روپے فی یونٹ مستقل سرچارج منظور، صارفین پر 335ارب کا اضافی بوجھ پڑیگا، سرچارج آئندہ مالی سال سے لگا یا جائیگا ،اطلاق تمام صارفین پر ہوگا،نیپرا نے فیصلہ حکومت کو بھیج دیا .
بجلی صارفین کو ایک اور زور کا جھٹکا، بجلی کمپنیوں کی نااہلی کا بوجھ عوام سے وصول کرنے کا فیصلہ ،نیپرا نے بجلی صارفین پر335 ارب روپے کا اضافی بوجھ ڈالنے کی منظوری دے دی
نیپرا نے حکومتی درخواست پر اپنا فیصلہ وفاقی حکومت کو بھجوا دیا ،بجلی صارفین پر 3روپے 23پیسے فی یونٹ مستقل سرچارج عائد کرنے کی منظوری دے دی.
بجلی کی قیمت میں اضافی سرچارج آئندہ مالی سال سے لگانے کا فیصلہ کیا گیا ہے،اضافی سرچارج کا اطلاق گھریلو، صنعتی ،کمرشل اور زرعی صارفین پر بھی ہوگا
اضافی سرچارج کا اطلاق کے الیکٹرک صارفین پر بھی ہوگا،اس سال جون تک حکومت 3 روپے 82 پیسے فی یونٹ اضافی سرچارج وصول کرے گی ،آئندہ مالی سال سے 3 روپے 23 پیسے فی یونٹ سرچارج وصول کیا جائے گا۔
