• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

1973 کا آئین ہمارا قومی لائحہ عمل، وفاق کی زنجیر ہے، بلاول

آج کا اخبار
اہم خبریں
10 اپریل ، 2023
کراچی(اسٹاف رپورٹر)پاکستان پیپلزپارٹی کے چیئرمین و وزیر خارجہ بلاول بھٹو زرداری نے کہا ہے کہ 1973 کا آئین ہمارا قومی لائحہ عمل اور وفاق کی زنجیر ہے۔ انہوں نے 1973 کے آئین کی گولڈن جوبلی کے موقع پر پوری قوم کو یومِ دستور کی مبارک باد پیش کی۔ انہوں نے کہا کہ 1973کا آئین ملک کے پہلے منتخب وزیراعظم شہید ذوالفقار علی بھٹو کا قوم کو تحفہ اور امانت ہے۔ انہوں نے کہا کہ قوم کیلئے متفقہ آئین کو بنانے میں اپنا کردار ادا کرنے والے تمام سیاسی رہنماوَں کو بھی سلام پیش کرتا ہوں۔بلاول بھٹو نے کہا کہ 1973کا آئین پاکستان کا حقیقی معنوں میں آئینہ دار ہے،جیسا کہ پاکستان ایک وفاقی ریاست ہے، تو ہمارا آئین ایک وفاقی آئین ہے، ہمارا ملک ایک اسلامی ملک ہے، تو ہمارے آئین کی روح اسلامی تعلیمات ہیں۔ ہمارا ملک جمہوریت پسندوں کا ملک ہے، تو ہمارا آئین ایک جمہوری دستور ہے۔ جب سے آئین بنا ہے، اس پر حملے کیے جاتے رہے ہیں۔ انہوں نے کہا کہ کچھ قوتوں سے یہ برداشت نہیں ہوتا کہ عوام کو ان کا حق ملے، صوبے اپنے وسائل کے مالک ہوں اور قانون کے سامنے سب برابر ہوں،خود کو قانون سے ماورائ سمجھنے والی سوچ 1973کے آئین کو اپنا دشمن سمجھتی ہے۔
اہم خبریں سے مزید