• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران خان پاکستان کو انتشار کی جانب دھکیل رہے ہیں، بلوم برگ

آج کا اخبار
یورپ سے
26 اپریل ، 2023
لندن (نمائندہ جنگ) امریکی جریدہ بلوم برگ نے کہا ہے کہ عمران خان پاکستان کو بحران اور انتشار کی جانب دھکیل رہے ہیں، بحران کے نتیجے میں پاکستان میں جمہوری عمل کے مستقبل کے بارے میں تشویش بڑھ گئی ہے۔ ایک مضمون میں امریکی جریدے کا کہنا تھا کہ عمران خان نے قبل از وقت انتخابات کی خواہش میں پاکستان کو آئینی بحران میں دھکیل دیا ہے ۔ مضمون میں کہا گیا کہ چیف جسٹس نے عمران خان کی جانب سے دو صوبوں کی اسمبلیاں تحلیل کرنے کے بعد ازخود نوٹس لے کر انتخابات کا حکم جاری کیا، وفاقی حکومت چیف جسٹس کی اس مداخلت کو قبول کرنے کو تیار نظر نہیں آ رہی۔ جریدیے کے مطابق چیف جسٹس اور وفاقی حکومت کے درمیان تصادم کی صورتحال پیدا ہو چکی ہے، امریکی جریدے کا کہنا ہے کہ حکومت کے مطابق اس وقت عمران خان کے پیدا کردہ حالات کی وجہ سے ڈیفالٹ سے بچنے، آئی ایم ایف پروگرام کی بحالی کی ضرورت ہے۔ بلوم برگ کے مطابق تشدد کی فضا قائم ہونے کا بھی خدشہ ہے، عمران خان ملٹری اسٹیبلشمنٹ اور امریکہ سے دوبارہ تعلقات استوار کرنے کی کوشش کر رہے ہیں۔
یورپ سے سے مزید