فرمان الہی
نماز کے اوقات
لندن(صباح نیوز) چیئرمین پی ٹی آئی عمران خان کی سابق اہلیہ جمائمہ کے بھائی زیک گولڈ سمتھ نے کہاہے کہ عمران خان ہمارے رول ماڈل ہیں،ان کے بارے میں فکر مند ہوں، نہیں پتہ کہ پاکستان میں کیا ہو نے والا ہے، عمران خان کو یقین ہے کہ انجام اچھا ہی ہو گا ۔ ایک بیان میں عمران خان کے سابق برادرِ نسبتی نے کہا کہ عمران خان سے محبت ہے، انہیں بے حد سراہتا ہوں، وہ ان چند شخصیات میں سے ہیں جن سے میں بے حد متاثر ہوں۔ انہوں نے کہا کہ عمران خان ہماری پوری فیملی کے لیے رول ماڈل تھے، انہوں نے مجھے کرکٹ کھیلنا سکھائی۔ انہوں نے کہا کہ عمران خان ماحول دوست شخصیت اور عالمی رہنما ہیں، بلین ٹری منصوبہ ان کی ماحول دوستی کی مثال ہے۔ انہوں نے کہا کہ مجھے نہیں پتہ کہ پاکستان میں کیا ہونے والا ہے، میں پاکستان سے متعلق کسی معاملے میں شریک نہیں ہونا چاہتا، عمران خان کو پکا یقین ہے کہ انجام اچھا ہی ہو گا۔
