فرمان الہی
نماز کے اوقات
لیڈز (محمد رجاسب مغل ) یارکشائر کاؤنٹی کرکٹ کلب نے ہیڈنگلے اسٹیڈیم میں دوسری سالانہ عید ملن تقریب کا انعقاد کیا جس میں یارک شائر کے پروفیشنل اسکواڈ کے ممبران، ناردرن ڈائمنڈز، اور یارکشائر کرکٹ آرگنائزیشن کے عملے سمیت 350افراد نے شرکت کی۔ تقریب میں بریڈفورڈ کی کونسلر صبیحہ خان ،سابق کونسلر کنیز اختر اور مقامی بزنس کمیونٹی کے افراد نے بھی شرکت کی اورپاکستانی کرکٹر شان مسعود کو یارکشائر کاونٹی کرکٹ کلب کی کپتانی سنبھالنے پر مبارک باد دی۔ اس موقع پر شان مسعود کےساتھ عید مِلن کا کیک بھی کاٹاگیا۔ صبیحہ خان نے شان مسعود کو بریڈفورڈ کونسل کے دورے کی دعوت دی، ان کا کہنا تھا پاکستانی نوجوان کرکٹر ہماری کمیونٹی کے لیے ایک رول ماڈل ہیں، برٹش پاکستانی نوجوان ان کے تجربات سے استفادہ کر سکتے ہی ۔ تقریب میں گلوکار حسنین لاہوری کی میوزیکل پرفارمنس کیساتھ یارکشائر کرکٹ کے مینیجنگ ڈائریکٹر ڈیرن گف،یارکشائر کرکٹ کلب کے نئے کپتان شان مسعود اور ناردرن ڈائمنڈز کے لارین ونڈ فیلڈ ہل کے درمیان ایک پینل ڈسکشن بھی شامل تھا۔ ونڈفیلڈ ہل نے کہاکہ کلب اور کمیونٹی کو ایک ساتھ لانا اور اس طرح کی بڑی تقریبات کا جشن منانا اہم ہے۔یارکشائر کاونٹی کرکٹ کلب کے چیف ایگزیکٹو آفیسر سٹیفن وان کا کہنا تھا کہ ہمیں یارکشائر میں دوسری عید ملن کی تقریب منانے کے لیے مختلف کمیونٹیز کی میزبانی کرنے پرخوشی ہے اور اس شام کو ناقابل یقین بنانے کے لیے اپنے تمام مہمانوں کا شکریہ ادا کرتے ہیں۔
