• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاہور، 3 منزلہ گھر میں آتشزدگی، 3 بچوں سمیت 10 افراد دم گھٹنے سے ہلاک

آج کا اخبار
اہم خبریں
13 جولائی ، 2023
لاہور (صباح نیوز،جنگ نیوز)لاہور بھاٹی گیٹ کے علاقہ نور محلہ کے ایک گھر میں آگ لگنے سے ایک ہی خاندان کے 10افراد جاں بحق ہو گئے، ہلاک ہونے والوں میں تین بچے ، چار خواتین اور تین دیگر افراد شامل ہیں ،خوفناک آگ رات کوبجلی کے شارٹ سرکٹ سے لگی ،8افراد دم گھٹنے 2جھلس کر ہلاک ہوئے، ایک نے چھت سے چھلانک کر جان بچائی ،بدقسمت فیملی تقریباً پونے دو مرلہ کے تین منزلہ مکان میں رہتی تھی ،بتایا گیا ہے کہ منگل اور بدھ کی درمیانی شب تقریباً اڑھائی بجےبجلی کے شارٹ سرکٹ سے شہری ظہیرالدین کے گھر اچانک خوفناک آگ لگی ،جاں بحق افراد میں ان کا ایک بیٹا، ایک بیٹی، بہو، پوتے پوتیاں شامل مکان میں اچانک خوفناک آگ بھڑک اُٹھی جس نے سارے گھر کو لپیٹ میں لے لیا، ایک شخص چھت سے چھلانگ لگا کر بچ جانے میں کامیاب ہو گیا، اطلاعات کے مطابق بچے اور خواتین بچنے کیلئے بالائی منزل پر گئے جو وہاں ایک کمرہ میں دم گھٹنے سے ہلاک ہو گئے۔
اہم خبریں سے مزید