شہری کے رونے پر ڈاکوؤں نے موبائل فون واپس کر دیا

کراچی (اسٹاف رپورٹر )ملیر سٹی میں شہری کے رونے پر ڈاکوؤں نے موبائل فون اسے واپس کر دیا۔تفصیلات کے مطابق ملیر میں موٹر سائیکل سوار2ملزمان نے راہ گیر شہری سے موبائل فون چھین لیا،اس کے بعد ملزمان نے شہری کی مزید تلاشی لی تو شہری رونے لگا،شہری کی فریاد پر ڈاکوؤں نے موبائل فون اسے واپس کر دیا اور فرار ہو گئے،واضح رہے کہ ستمبر 2020ء میں پیش آنے والے واقعے میں کراچی ہی میں فوڈ ڈلیوری بوائے کو لوٹنے والے ڈاکوؤ ں نے اس کے رونے پر اس کا موبائل فون اور چھینی گئی رقم واپس کر دی تھی،ڈاکوؤں نے فوڈ ڈلیوری بوائے کو گلے سے بھی لگایا تھا۔