فرمان الہی
نماز کے اوقات
غزہ( نیوز ڈیسک)اسرائیل کی حکومت نے غزہ کی مکمل ناکہ بندی کر کے بجلی، پانی، خوراک اور ایندھن کی فراہمی بند کر دی ہے جس کے بعد اب اسپتالوں کے مردہ خانوں میں تبدیل ہونے کا خطرہ ہے۔عالمی فلاحی تنظیم ریڈ کراس کے مطابق غزہ شہر کے مرکزی اسپتال میں جنریٹرز کیلئے صرف2 دن کا ایندھن بچا ہے۔ریڈ کراس کے علاقائی ڈائریکٹر برائے مشرقِ وسطیٰ ہشام مہانا کا کہنا ہے کہ غزہ میں بجلی کی کمی کے باعث اسپتالوں میں بجلی کی فراہمی معطل ہے اور بجلی بند ہونے سے اسپتالوں کے مردہ خانوں میں تبدیل ہونے کا خطرہ ہے۔اُنہوں نے بتایا کہ غزہ کے واحد بجلی گھر نے ایندھن کی قلت کی وجہ سے گزشتہ روز کام کرنا بند کر دیا تھا۔ہشام مہانا نے اپیل کی ہے کہ فریقین سے درخواست کرتا ہوں کہ وہ شہریوں کی مشکلات کم کریں۔
