فرمان الہی
نماز کے اوقات
برمنگھم (نمائندہ جنگ) سابق امیدوار قانون ساز اسمبلی آزادکشمیر سردار رزاق خان ایڈووکیٹ نے کہا ہے کہ میں سابق وزیر اعظم پاکستان عمران خان کے ساتھ تھا،ساتھ ہوں اور ان کےساتھ چٹان کی طرح کھڑا رہوں گا۔پاکستان تحریک انصاف پر اس وقت مشکلات ہیں جو جلد دور ہو جائیں گی۔ ان خیالات کا اظہار انھوں نے چوہدری اشتیاق لہڑی کی جانب سے عشائیہ میں گفتگو کرتے ہوئے کیا۔ اس موقع پر فاروق احمد ایڈوووکیٹ، چوہدری عرف کیروی، ظفر جرال، بشیر نیاز اور دیگر موجود تھے۔ سردار رزاق ایڈوکیٹ کا کہنا تھا کہ آزادکشمیر میں بلدیاتی انتخابات 32برس بعد ہوئے ہیں لیکن اختیارات کی منتقلی ابھی باقی ہے، بجلی کے بلزپر اضافی ٹیکسز کے خلاف ریاستی عوام سرپا احتجاج ہے، انہیں گرفتاریوں سے ڈرایا نہیں جا سکتا ،بالآخر عوام کے مطالبے حکومت کو ماننا پڑیں گے۔
