• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فلسطینیوں کی امداد کیلئے بیڈمنٹن ٹورنامنٹ کا انعقاد

آج کا اخبار
یورپ سے
15 نومبر ، 2023
لیڈز (افتخار کلوال) لیڈز اسلامک سنٹر میں خان بیڈمن کلب کی جانب سے ٹورنامنٹ کا انعقاد کیا گیا۔ٹورنامنٹ کا مقصد فلسطینی مظلوم عوام کی مدد کیلئے فنڈز جمع اور برطانیہ سمیت اقوام عالم پر غزہ میں فائر بندی کیلئے زور دینا تھا۔ ٹورنامنٹ میں کُل 16ٹیموں نے حصہ لیا، کھیلنے والے کھلاڑی لیڈز، بریڈفورڈ، شفیلڈ،رادھرم سمیت قریبی ٹاؤنز کے تھے۔خان بیڈمنٹن کلب کے چیئرمین خان قیوم نے بتایا کہ وہ 15 سال سے چیرٹی ٹورنامنٹ کرارہے ہیں جس کا مقصد کھیل کے ساتھ رفاہی اور فلاحی کاموں کیلئے فنڈز جمع کرنا ہے۔انہوں نے بتایا کہ فلسطین غزہ میں مظلوم لوگ اسرائیل بمباری کا شکار ہیں، متاثرین کی امداد کیلئے پانی، خوراک اور ادویات کیلئے ٹورنامنٹ سے حاصل فنڈز استعمال کئے جائیں گے۔ ٹورنامنٹ میں بڑی تعداد میں لوگوں نے شرکت کی جن کا کہنا تھا کہ اقوام عالم اسرائیل کو مظلوم فلسطینیوں کی نسل کشی سے روکیں۔
یورپ سے سے مزید