• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ورلڈ کپ کرکٹ میں بھارت کو شکست بالی ووڈ ستاروں کے ’’چہرے‘‘ لٹک گئے

آج کا اخبار
یورپ سے
21 نومبر ، 2023
احمد آباد ( نیوز ڈیسک)آئی سی سی ورلڈ کپ 2023کے فائنل میں آسٹریلیا کے ہاتھوں بھارت کی شکست پر بالی ووڈ ستاروں کے لٹکے ہوئے چہروں کی تصویر وائرل ہوگئی۔احمد آباد کے نریندر مودی کرکٹ اسٹیڈیم میں کھیلے گئے آئی سی سی ورلڈ کپ 2023ء کے فائنل میں بھارت کو 6وکٹوں سے شکست دےکر آسٹریلیا چھٹی بار کرکٹ کا عالمی چیمپئن بن گیا۔ بھارتی ٹیم ورلڈ کپ میں اپنے تمام 9لیگ میچز میں کامیابی کے بعد سیمی فائنل میں بھی کامیاب ہوئی تھی تاہم فائنل میں کینگروز نے بھارتی ارمانوں پر پانی پھیر دیا۔ بھارت کے خلاف آسٹریلیا کی 3وکٹیں گِرنے کے بعد بالی ووڈ اسٹارز کے چہرے خوشی سےکھل رہے تھے لیکن جیسے ہی میچ بھارت کے ہاتھوں سے نکلا تو سب کے چہرے اُتر گئے۔سوشل میڈیا پر وائرل تصویر میں بالی ووڈ کنگ شاہ رخ خان، اُن کی فیملی، اداکار رنویر سنگھ، دیپیکا پڈوکون اور ایوشمان کھرانہ سمیت دیگر شخصیات موجود ہیں۔
یورپ سے سے مزید