• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ہماری پارٹی میں سینئرز اور جونیئرز کا اچھا امتزاج ہے، احسن اقبال

آج کا اخبار
اہم خبریں
24 نومبر ، 2023
کراچی (ٹی وی رپورٹ) جیو کے پروگرام ”آج شاہزیب خانزادہ کے ساتھ“ میں گفتگو کرتے ہوئے ن لیگ کے سینئر رہنما احسن اقبال نے کہا ہے کہ ہماری پارٹی میں سینئرز اور جونیئرز کا اچھا امتزاج ہے، ہمیں سیاست میں سینئرز کا تجربہ بھی چاہئے، تحریک انصاف کے سینئر رہنما حامد خان نے کہا کہ نو مئی کے بعد پارٹی کے ساتھ جو گزر رہی ہے انحالات میں الیکشن کرانا بہت مشکل ہے، ہوسکتا ہے حالات معمول پر آنے کے بعد پارٹی الیکشنز کروائیں ،میزبان شاہزیب خانزادہ نے پروگرام میں تجزیہ پیش کرتے ہوئے کہا کہ آٹھ فروری 2024ء کے انتخابات سے پہلے ملک میں سیاسی گہما گہمی شروع ہوچکی ہے،ن لیگ کے سینئر رہنما احسن اقبال نے کہا کہ ہماری پارٹی میں سینئرز اور جونیئرز کا اچھا امتزاج ہے، ہمیں سیاست میں سینئرز کا تجربہ بھی چاہئے، پاکستان کو انتہائی گمبھیر مسائل کا سامنا ہے، تجربہ کار اور آزمودہ قیادت کی جتنی ضرورت آج ہے اتنی پہلے کبھی نہیں تھی، ہماری خوش قسمتی ہے کہ ہمارے پاس نواز شریف کی صورت میں سینئر اسٹیٹسمین موجود ہیں ، نواز شریف کے بین الاقوامی سطح پر تعلقات پاکستان کیلئے بہت مفید ہوسکتے ہیں۔
اہم خبریں سے مزید