فرمان الہی
نماز کے اوقات
لوٹن ( شہزاد علی) وزیر اعظم رشی سوناک نے کہا ہے کہ کرسمس سال کا ایک بہت ہی خاص وقت ہوتا ہے جب خاندان اور دور دراز کے دوست احباب نئی یادیں بنانے، اچھا کھانا بانٹنے اور اظہار تشکر کیلئے اکٹھے ہوتے ہیں۔10 ڈاوننگ سٹریٹ میں کاروباری، خیراتی اداروں اور کمیونٹی گروپس کے ایک تہوار کی تقریب کے شرکاء سے گفتگو کرتے ہوئے انہوں نے کہا انہیں ڈاؤننگ اسٹریٹ میں چند شاندار چھوٹے کاروباروں، خیراتی اداروں اور مقامی کمیونٹیز کا خیرمقدم کرتے ہوئے خوشی ہو رہی ہے تاکہ اس خاص موقع کو سیلیبریٹ کیا جا سکے اور کرسمس کی خوشی منائی جا سکے۔ انہوں نےکہا یہ وقت اس لیے بھی خاص طور پر اہم ہے کیونکہ ہم چھوٹے کاروبار کے ہفتہ کیلئے منتظر ہیں جو ہماری کمیونٹیز میں ترقی اور مواقع کو چلانے میں آزاد کاروباروں کے زبردست اثرات کو ظاہر کرنے کا ایک بہترین موقع ہے۔انہوں نے کہا کہ وہ اپنے خاندان کی طرف سے آپ کیلئے آپ کو کرسمس کی بہت بہت مبارکباد پیش کرتے ہیں اور اس تمنا کا اظہار کرتے ہیں کہ آنے والا سا ایک خوشحال سال ہو۔رشی سوناک نے 10 ڈاوننگ کے باہر کرسمس کی لائٹس بھی روشن کیں۔ وزیر اعظم کے ساتھ ملٹری فیملیز، پوائنٹس آف لائٹ ایوارڈ جیتنے والے شامل تھے، جنہیں ان کے خیراتی کاموں کیلئے سراہا گیا، کاروباری طلباء، اور ڈارٹمور کرسمس ٹری فارم کے مالکان جنہوں نے ڈاؤننگ سٹریٹ کا کرسمس ٹری فراہم کیا۔ایونٹ کے دوران، ڈاؤننگ سٹریٹ کو کرسمس مارکیٹ میں تبدیل کر دیا گیا تھا جس میں برطانوی کاروباری اداروں کی ایک وسیع رینج کے اسٹالز اپنی مصنوعات کی نمائش کر رہے تھے۔ لندن کمیونٹی گوسپل کوئر اور ایک فوجی بینڈ نے تہوار کی موسیقی پیش کی ،وزیر اعظم اور محترمہ مورتی نے بازار کے اسٹالوں کا دورہ کیا اور تہوار کی لائٹس آن کرنے کیلئے الٹی گنتی کی قیادت کرنے کے بعد مہمانوں سے گفتگو کی۔ اس سال کا کرسمس ٹری ڈارٹمور کرسمس ٹری فارم کی طرف سے فراہم کیا گیا تھا، فریزلینڈ کرسمس ٹری فارم، واروکشائر ، نے سال 2023 کے چیمپیئن تہوار کی چادر جیتنے کے بعد نمبر 10 کے سامنے والے دروازے کیلئے پھولوں کی چادر فراہم کی۔حکومت بھر کے وزراء نے شرکت کی اور تہوار کی تقریب میں دکھائے گئے کاروباری اداروں سے بات کی۔موچا چاکلیٹ کی مالک الزبتھ گریوز نے کہا کہ وہ آج ڈاؤننگ اسٹریٹ میں کرسمس شوکیس ایونٹ کا حصہ بننے کیلئے بہت پُرجوش ہیں ۔ مشیل اوونس سی بی ای، ڈائریکٹر سمال بزنس ہفتہ یوکے نے کہا کہ کرسمس کی ان شاندار لائٹس کی طرح جو ڈاؤننگ سٹریٹ پر آن کی گئیں، ملک کے 5.5 ملین چھوٹے کاروبار پورے برطانیہ میں چمکتے ہیں۔
