• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سویڈن کے ادارے پی پی این ای پاکستان چیپٹر کا آغاز

آج کا اخبار
یورپ سے
02 دسمبر ، 2023
اسٹاک ہوم(نمائندہ جنگ) پاکستان پروموشن نیٹ ورک یورپ پاکستان چیپٹر کا باقاعدہ آغاز کردیا گیا۔ افتتاحی تقریب لاہور چیمبر آف کامرس میں منعقد ہوئی، چیئرمین ایتھلیٹیکس فیڈریشن آف پاکستان میجر جنرل (ر) محمد اکرم ساہی ، یوکرین میں تعینات سابق پاکستانی سفیر میجر جنرل (ر) زاہد مبشر شیخ ، اخوت فاؤنڈیشن کے بانی ڈاکٹر امجد ثاقب ودیگر شخصیات نے تقریب میں شرکت کی ۔تقریب کا باقاعدہ آغاز تلاوتِ قرآن پاک اور قومی ترانہ پڑھ کر کیا گیا، تقریب کے شرکاء کو پی پی این ای کی سرگرمیوں کے حوالہ سے ڈاکیومنٹری دکھائی گئی جب کہ چیئرمین پی پی این ای زبیر حسین کا ویڈیو پیغام بھی دکھایا گیا۔ مہمانانِ خصوصی نے پی پی این ای کی کاوشوں کا خیر مقدم کرتے ہوئے کہا کہ پی پی این ای اپنی نوعیت کا ایسا منفرد ادارہ ہے جو یورپ سمیت دنیا بھر میں پاکستان کا مثبت چہرہ متعارف کرنے میں اہم کردار اداکررہا ہے۔ لاہور چیمبر آف کامرس کے صدر کاشف انورنے پی پی این ای کی معاونت سے پاکستانی مصنوعات کو یورپی منڈیوں تک پہنچانے کا عزم ظاہر کیا۔ تقریب میں پی پی این ای کے عہدیداران کے نوٹفیکشن بھی جاری کئے گئے جس کے مطابق عدنان چوہدری صدر، فردوس کھوکھر سینئر نائب صدر،گلزار ملک سیکرٹری جنرل،ساجد بشیر سیکرٹری فنانس،ندیم پہلوان صدر پنجاب،سجاد چٹھہ صدر لاہور،صبا ملک کوآرڈینیٹر، عبداللطیف صدر ایجوکیشن اینڈ ڈیولپمنٹ اور فیاض احمد کو صدر ٹریول اینڈٹورازم نامزد کیا گیا۔تقریب کے اختتام پر مہمانانِ خصوسی کو گیسٹ آف آنر جب کہ چیئرمین پی پی این ای کی خدمات کے حوالے سے اعزازی شیلڈ بھی دی گئیں۔ میڈیا بریفنگ کے دوران صدر پی پی این پاکستان چیپٹر عدنان چوہدری کا کہنا تھا کہ پی پی این نہ صرف اوورسیز پاکستانیوں کی آواز ہے بلکہ دنیا بھر میں میڈ ان پاکستان کلچر بھی متعارف کرانے میں کوشاں ہے، ہم عہد کرتے ہیں کہ میڈ ان پاکستان کلچر پاکستان میں بھی فروغ دینے کی بھرپور کوشش کی جائےگی۔
یورپ سے سے مزید