• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی، فائرنگ کے واقعات میں سیکورٹی گارڈ سمیت 2 افرادجاں بحق

آج کا اخبار
اہم خبریں
03 جنوری ، 2024
کراچی (اسٹاف رپورٹر) مختلف علاقوں میں فائرنگ کے واقعات میں سیکورٹی گارڈسمیت2 افرادجاں بحق ہو گئے، جبکہ ڈکیتی مزاحمت اور فائرنگ کے دیگر واقعات میں6افراد زخمی ہوگئے ۔تفصیلات کے مطابق اسٹیل ٹاؤن تھا نے کی حدود لنک روڈ کے قریب فائرنگ کے پراراسرار واقعے میں سیکورٹی گارڈ 24سالہ رضا شدید زخمی ہوگیا جسے جناح اسپتال منتقل کیا گیا جہاں وہ دوران علاج دم توڑ گیا ، اس حوالے سےپویسکا کہناہےکہ مقتول نجیکمپنی کا گارڈ تھااور اور چوکی میں بیٹھا ہوا تھا کہ اتفاقیہ طور پر گولی چل جانے سے ہلاک ہو گیا، مقتول اسٹیل ٹاون کا رہائشی تھا ،پولیس نے ضابطے کی کارروائی کے بعد لاش ورثا کے حوالے کردی ۔ ملیر میمن گوٹھ مائی میانی مزار کے قریب فائرنگ سے ایک شخص جاں بحق ہو گیا ،جس کی لاش جناح اسپتال منتقل کیا گیا ،جہاں مقتول کی شناخت45سالہ عبدالکریم ولد علی محمد کے نام سے ہوئی ہے ۔منگھوپیر تھانے کی حدود نور دین گوٹھ میں مسلح موٹرسائیکل سوار2 ملزمان نے لوٹ مار کے دوران مزاحمت پر فائرنگ کرکے 21سالہ چاند کریم زخمی ہوگیا جسے عباسی اسپتال منتقل کیاگیا۔ فیروز آباد تھا نے کی حدود شہید ملت روڈ نجی اسپتال کے قریب ملزمان نے لوٹ مار کے دوران مزاحمت پر فائرنگ کرکے 30سالہ ارباز ولد غلام عباس زخمی کر دیا ،زخمی کو جناح اسپتال منتقل کیا گیا۔
اہم خبریں سے مزید