فرمان الہی
نماز کے اوقات
لاہور(نمائندہ جنگ )چیئرمین پاکستان پیپلز پارٹی بلاول بھٹو نے کہا ہے کہ پنجاب میں پی ٹی آئی اور (ن)لیگ کو مسلط کیا گیا،PPتین نسلوںسے عوام کی نمائندہ، الیکشن وقت پر ہونگے،غریبوں مظلوموں اور کسانوں کا پاکستان بنانا ہے تو پیپلز پارٹی کو لانا ہو گا ،صرف پیپلز پارٹی تین نسلوں سے عوام کی نمائندگی کرتی آ رہی ہے،پنجاب میں پی ٹی آئی اور ن لیگ کو مسلط کیا گیااگر غریبوں مظلوموں اور کسانوں کا پاکستان بنانا ہے تو پیپلز پارٹی کو لانا ہو گا.وہ اپنے انتخابی حلقے این اے 127 کوٹ لکھپت میں پی پی 161 سے امیدوار خدیجہ حسن کی طرف سے خواتین ورکرز کنونشن سے خطاب کر رہے تھے۔تقریب کے شروع میں قائد عوام ذوالفقار علی بھٹو کے 96ویں یوم ولادت کا کیک بھی کاٹا گیا۔بلاول بھٹو نے تقریب سےخطاب اور بعد ازاں صحافیوں کے سوالوں کے جواب میں کہا کہ انشا اللہ الیکشن وقت پر ہونگے۔چیئرمین بلاول بھٹو نے کہا کہ خواتین ملک کی آبادی کا پچاس فیصد ہیں اور وہ ملک کے معاشی بحران کے بارے میں زیادہ جانتی ہیں،انہیں معلوم ہے اس مہنگائی میں کوئی بھی تنخواہ میں گزارا نہیں کرسکتا۔
