تاندلیانوالہ، فیصل آباد (نامہ نگار، نمائندہ جنگ) چیئرمین پیپلز پارٹی بلاول بھٹو زرداری نے کہا ہے کہ باقی تمام سیاسی جماعتیں اپنی ذاتی لڑائیاں لڑرہی ہیں ، کوئی جیل سے بچنے اور کوئی جیل سے نکلنے کیلئے لڑ رہا ہے۔ہم الیکشن لڑرہے ہیں تو آپ کیلئے لڑرہے ہیں۔پیپلز پارٹی وفاق کیساتھ پنجاب میں بھی حکومت بنائے گی۔شہیدبینظیر بھٹو کو راستے سے ہٹا نے والی ، جیالوں کا راستہ روکنے والی قوتوں کو پیغام دیتا ہوں کہ ہم نہ جھکنے والے ہیں نہ پیچھے ہٹنے والے ہیں۔ہم نے نفرت،تقسیم اور پرانی سیاست کو دفن کرکے نئی سوچ لیکر آنی ہے، ہم نئی سوچ سے مسائل کا مقابلہ کریں گے، آپ نے ساتھ دیا تو جیت آپ کی، تیر کی اور پیپلز پارٹی کی ہو گی۔ ان خیالات کا اظہار انہوں نے جمعرات کوفیصل آباد کی تحصیل تاندلیانوالہ کے ہاکی سٹیڈیم میں انتخابی جلسہ عام سے خطاب کرتے ہوئےکیا۔ بلاول بھٹوکا کہنا تھا کہ ہم نے ایک بار پھر جیالے کو وزیراعلیٰ اور وزیراعظم بنانا ہے، میں آپ کا ساتھ مانگنے آیا ہوں۔
فرمان الہی
نماز کے اوقات
