• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حوثیوں پر حملے، سٹارمر نے وزیر خارجہ کے بیان کی حمایت کردی

آج کا اخبار
یورپ سے
15 جنوری ، 2024
اولڈہم ( نمائندہ جنگ) لیبرپارٹی کے سربراہ سرکیئراسٹارمر نے حکمران ٹوری پارٹی کے وزیر خارجہ ڈیوڈ کیمرون کے اس دعوے کی حمایت کا اظہار کیا ہے ، جس میں کیمرون نے کہا کہ یمن میں براہ راست فضائی حملے حوثیوں کی بڑھتی ہوئی کارروائیوں کو روکنے کیلئے ہیں، اس کے علاوہ کوئی دوسرا آپشن نہیں ہے۔ برطانوی میڈیا کے مطابق سر کیئر اسٹارمر نے لارڈ کیمرون کے اس دعوے کی حمایت کی کہ بحیرہ احمر میں بحری جہازوں پر حوثیوں کے حملوں کے جواب میں ’’کچھ نہیں کرنا‘‘کوئی آپشن نہیں تھا۔ لیبر لیڈر نے کہا کہ حوثی تیزی سے بڑھ رہے ہیں اور اس صورت حال میں پیچھے بیٹھنا مناسب ردعمل نہیں ،انہوں نے مزید کہا کہ وہ بیان بازی کو بڑھانا نہیں چاہتے لیکن انہیں ایران کے بارے میں شدید تحفظات ہیں جو حوثی باغیوں کی پشت پناہی کررہا ہے اور اس نے بار بار رشی سوناک سے مطالبہ کیا کہ وہ برطانیہ اور امریکی حملوں کی وضاحت کرتے ہوئے پارلیمنٹ میں بیان دیں۔ یہ اس وقت سامنے آیا ہے جب سیکرٹری خارجہ نے خبردار کیا تھا کہ اگر باغی گروپ نے بحیرہ احمر میں جہازوں پر حملے جاری رکھیں تو برطانیہ دوبارہ حوثیوں کے ٹھکانوں پر حملہ کر سکتا ہے۔ یہ تجویز کرتے ہوئے کہ ایران سے منسلک عسکریت پسند برطانیہ میں قیمتیں بڑھا سکتے ہیں، انہوں نے کہا کہ عمل نہ کرنے سے یہ قبول نہیں کیا جائے گا کہ حوثی حملوں سے حقیقی طور پر ایک اہم سمندری راستے کو نسبتاً استثنیٰ کے ساتھ بند کیا جا سکتا ہے۔
یورپ سے سے مزید