فرمان الہی
نماز کے اوقات
اسلام آباد (نمائندہ جنگ) بانی پی ٹی آئی عمران خان نے کہا ہے کہ بلاول کے ساتھ انتخابی اتحاد نہیں ہو سکتا۔ نواز شریف نے جانبدار امپائرز کے بغیر کبھی میچ نہیں کھیلا۔
نواز شریف نے ابھی بھی دو امپائر کھڑے کئے ہوئے ہیں ، ایک امپائر نے نو بال دے دی ہے۔ مجھے ڈونلڈ لو اور جنرل باجوہ کو بے نقاب کرنے کی سزا دی جا رہی ہے۔ انہیں پبلک کے غصے کا اندازہ نہیں۔
پیشگوئی کر رہا ہوں کہ ان کو دھچکا لگنے والا ہے۔ پیر کے روز اڈیالہ جیل میں کمرہ عدالت میں میڈیا سے غیر رسمی گفتگو کرتے ہوئے انہوں نے کہا کہ میرا جیل میں ہونا ، پی ٹی آئی کا خاتمہ اور نواز شریف کے کیس معاف ہونا لندن پلان کا حصہ ہے۔ سب کچھ یہ بتانے کے لئے ہو رہا ہے کہ وہ قانون سے بالاتر ہیں۔
توشہ خانہ ریکارڈ پر ہے کہ نواز شریف نے چھ لاکھ میں مرسیڈیز گاڑی لی۔ مریم نواز نے بی ایم ڈبلیو گاڑی لی۔ ان کے سارے کیسز بند ہیں۔
