• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ججز کسی کی غیرموجودگی میں اس کیخلاف ریمارکس دیتے ہوئے محتاط رہیں، سپریم کورٹ

آج کا اخبار
اہم خبریں
16 فروری ، 2024
اسلام آباد(آئی این پی)چیف جسٹس پاکستان قاضی فائز عیسی نے کہا ہے کہ ججز کو کسی کی غیر موجودگی میں آبزرویشن دیتے ہوئے احتیاط سے کام لینا چاہیے،چیف جسٹس پاکستان جسٹس قاضی فائز عیسی کی سربراہی میں3رکنی بینچ نے سابق وزیراعظم راجا پرویز اشرف کی اپنے خلاف آبزر ویشنز حذف کرنے کی اپیل پر سماعت کی،سپریم کورٹ نے راجا پرویز اشرف کی اپیل منظور کرتے ہوئے اسلام آباد ہائیکورٹ کو فیصلے سے راجا پرویز اشرف کے خلاف آبزرویشنز حذف کرنے کا حکم دے دیا،جسٹس قاضی فائز عیسی نے ریمارکس دیے کہ ججز کوکسی کی غیر موجودگی میں اس کیخلاف آبزرویشنز میں محتاط ہونا چاہیے، اگر ججزکوکسی کے خلاف آبزرویشن دینی ہے تو پہلے اس کو نوٹس کریں، امید کرتے ہیں ججز کسی کے خلاف ریمارکس دیتے ہوئے آئندہ احتیاط کریں گے،سپریم کورٹ نے کہا کہ پرویز اشرف کے خلاف اسلام آباد ہائیکورٹ کے جج نے 2012میں سخت آبزرویشنز دیں، نیب کے مطابق راجا پرویز اشرف کیخلاف نیب انکوائری میں کچھ ثابت نہیں ہوا،واضح رہے کہ جسٹس ریٹائرڈ شوکت عزیز صدیقی نے 2012میں گوجر خان سڑک کیس میں آبزرویشنز دیتے ہوئے راجا پرویزاشرف کو بدنیت اورکرپٹ کہا تھا، بعدازاں اسلام آباد ہائیکورٹ نے راجا پرویزاشرف کے خلاف کیس پر نیب کو انکوائری کا حکم دیا تھا۔
اہم خبریں سے مزید