فرمان الہی
نماز کے اوقات
کراچی (اسٹاف رپورٹر ) میئر کراچی بیرسٹر مرتضیٰ وہاب نے کہا ہے کہ پیپلز پارٹی نے اپنے منشور میں مفت بجلی فراہم کرنے کا وعدہ کیا ہے، کے ایم سی کی عمارت سولر پر منتقل کریں گے، گلوبل وارمنگ اور گرین انرجی کے لئے کے ایم سی 10 کروڑ کا انڈوومنٹ فنڈ قائم کر رہی ہے، سارے شہر میں کلین اور گرین انرجی زور و شورسے جاری رکھیں گے، شہر بھر سے پوسٹرز اور بینرز ہٹاتے ہیں، لیکن ایک شخص دوبارہ لگوادیتا ہے، جو خودپسندی کی وجہ سے ایساکرتاہے،، کراچی کا بیٹا کہنے والا جامشورو میں کس کی اوطاق میں بیٹھا تھا؟ وہ ہفتے کو یہاں کڈنی ہل پارک میں 100 کلو واٹ سولر پلانٹ کے افتتاح کے بعد ذرائع ابلاغ سے گفتگو کررہے تھے۔ اس موقع پر ڈپٹی میئر سلمان عبداللہ مراد اور پیپلز پارٹی کے دیگر رہنما بھی موجود تھے۔ میئر کراچی نے کہا کہ سولر پلانٹ سے کڈنی ہل کو بجلی کی سہولت ملے گی۔
